10.000 parte-hartzaileko mugara iritsi ginen.
Lehenik eta behin, eskerrak eman nahi dizkizuegu guztioi, eman diguzuen erantzun bikainagatik eta Bilboko Herri Krosari emandako babesagatik. Era berean, benetan sentitzen dugu aurten guztiok ezin zaretelako edizio honetako parte-hartzaile izan.
Urte guzti hauetan, gure premisarik handienetako bat parte-hartzaileen segurtasuna izan da, eta, ibilbidearen ezaugarriak eta distantzia kontuan hartuta, 10.000 pertsonentzako muga ofiziala ezarrita daukagu.
Aurten 10.000 horietara aurreko edizioetan baino askoz lehenago iritsi gara, nahiz eta izena emateko aukerak berdinak izan, eta horregatik aurrez aurre izena emateko lehen egunean itxi behar izan genuen izen-ematea, zuetako asko kanpoan geratuz.
Hala ere, eta urtez urte hobetzeko asmoz, zuen iradokizun eta iruzkin guztiak kontuan hartzen ari gara, eta ahal dugun neurrian ezartzen saiatuko gara.
Benetan, Eskerrik asko guztioi!
Bilboko Herri Krosak eta Athletic Clubek bat egin dute talde zuri-gorriaren 125. urteurrena ospatzeko. Azaroaren 19an, igandean, ospatuko da 34. edizioa, eta bi berrikuntza berezi izango ditu:
Ibilbidearen ezaugarri bereziak direla eta, 10.000 pertsonatan finkatu dugu parte-hartzaileen muga. Bilboko Herri Krosaren ezaugarria den bezala, lasterkariak irabazleak dira eta garaikur bera jasotzen dute.
Bilboko Herri Krosak eta Athletic Clubek balioak, printzipioak eta filosofia partekatzen dituzte, eta lankidetza hori oso erraza egin dute. Komunitate, familia eta kirol inklusiboa hitzak ohikoak dira bientzat, baita helmuga ez ezik bidea ere saritzen duen lehiaketa ulertzeko modu bat ere.